Këtë pasdite, kryetari i Partisë Demokratike , Lulzim Basha ka dhënë një deklaratë në çadrën e protestës. Lidhur me ftesën e Ramës për dialog, Basha është shprehur se nuk duam dialog fasadë dhe se këto janë vetëm monologje shterpë nga ato që dëgjohen me shumicë në sallën e parlamentit.
“E hapur mbetet ftesa për dialog për qeverinë teknike. Ne do t’i përgjigjemi çdo ftese për dialog me kushtin që ato të mos jenë me fjalime të parapërgatitura, si ajo e 6 qershorit të vitit të shkuar”- tha Basha para mbështetësve të tij.
Basha ka dy objektiva nga dialogu politik. “Jemi të hapur për dialog të vërtetë politik me dy objektiva: ndërtimin e qeverisë teknike dhe përcaktimin e mandatit të kësaj qeverie për dekriminalizimin e institucioneve të saj dhe krijimin e kushteve për zgjedhje të lira“, shtoi ai.
