Kreu Demokrat, Lulzim Basha tha se partia e tij ka reflektuar për gabimet e bëra gjatë qeverisjes dhe se për këtë duhet të dalë kokulur përpara qytetarëve shqiptarë.
Basha theksoi se për shkak të këtyre gabimeve kishte ndodhur rrotacioni në vitin 2013.
Në fjalën e mbajtur në Akademinë Politike, Basha tha se Shqipëria është në udhëkryq për shkak të udhëheqjes nga një oligarki që vetëm vjedhin buxhetet e shtetit.
Basha: ” A vijmë të vetëdijshëm që edhe ne kemi bërë gabimet tona? Gabime që i kanë kushtuar interesit publik dhe ne duhet t’u japim përgjigje të qarta dhe të prera se ne vijmë si një forcë që ka reflektuar dhe pavarësisht rekordit tonë pozitiv, kemi pasur stokun tonë të gabimeve që patën rolin e tyre, rrotacionin në vitin 2013”.
