Protesta e sotme ishte pa fjalime. Basha nuk ka pranuar të japë asnjë prononcim gjatë ditës për mediat, përveç fjalës së mbajtuar para pak minutash për protestuesit.
Ai ka zgjedhur këtë moment për t’iu dërguar një mesazh edhe ndërkombëtarëve. Ai ka folur anglisht që ta bëjë më të qartë këtë mesazh.
“Nuk ka stabilitet pa demokraci, pa sundimin e ligjit, pa barazi”, tha Basha.
Fjala e Bashës:
E sotmja hyri në historinë tonë të bashkimit kombëtar.
Çdo shqiptar sot dhe çdo brez që vjen ju ka një borxh ju, misionarë të lirisë, misionarëve të demokracisë, misionarëve të Shqipërisë si gjithë Europa.
Sot më në panik se kurrë kufoma politike e Edi Ramës dhe klikës së tij kriminale përshkallëzoi dhunën e paprovokuar ndaj protestuesve për t’i larguar nga rruga e protestës, por përgjigjen e mori nga populli.
Duart e gjata të krimit që dhunojnë baballarët dhe nënat tanë do të japin përgjegjësi para ligjit. Për këtë zotohem sot para jush.
E gjitha Shqipëria dhe Bota sot kanë parë vendosmërinë e një Shqipëria të bashkuar për vlera evropiane dhe për t’i dhënë fund pandëshkueshmërisë. Dita kur do të shkojnë para drejtësisë po afron.
Pa ju o viganë mbrojtës së lirisë dhe demokracisë , ky vend do të ishte rreshtuar krah vendeve pa të ardhme. Ne do ta hedhim në lumë rrugën e mbrapsht të Edi Ramës.
Nuk ka rrugë tjetër përveç protestave popullore. Ishim shumë në 16 shkurt, jemi shumë më shumë sot në 16 mars.
16 shkurti hapi rrugën dhe nuk do të ndalojë kurrë.
https://www.facebook.com/Ora.News.RTV/videos/428047958015338/
