Kreu i Partisë Demokratike, Lulzim Basha, i shpreh mirënjohje Hungarisë për dhurimin e 100 mijë maskave dhe 5 mijë kostumeve mbrojtëse mjekësore, që do të ndihmojnë për të luftuar koronavirusin.
Përmes një mesazhi në “Facebook”, Basha thekson se i ka kërkuar personalisht ministrin hungarez, Szijjártó, të shoh mundësinë për të ndihmuar edhe më tej Shqipërinë, e cila po përballet me një krizë të madhe ekonomike, për shkak të përhapjes së COVID-19.
Mesazhi i Bashës:
Mirënjohje për Hungarinë, kryeministrin Orban dhe ministrin e jashtëm Péter Szijjártó për ndihmën e çmuar për pajisje mbrojtëse në këto ditë të vështira për vendin tonë, ku po rritet çdo ditë numri i të infektuarve në rradhët e stafeve mjekësore.
E falenderova personalisht ministrin Szijjártó dhe i kërkova të shohë mundësinë për të ndihmuar edhe më tej Shqipërinë e cila sot po përballet edhe me një krizë të madhe ekonomike, ku papunësia dhe pamundësia e qytetarëve për të siguruar ushqimin e përditshëm rritet cdo ditë.
Nuk jemi vetëm
