Kryetari i PD, Lulzim Basha, në një takim të zhvilluar me anëtarët dhe mbështetësit demokratë në Memaliaj deklaroi se, beteja e opozitës ka si qëllim t’u kthejë pushtetin njerëzve përmes një qeverisjeje transparente.
Ai u kërkoi të pranishëmve të jenë në krye të aksionit për hapjen e partisë dhe veçanërisht qëndrimin pranë njerëzve.
Basha shpjegoi se Partia Demokratike ka zgjidhje konkrete dhe realiste për gjendjen e rëndë që po kalon vendi dhe qytetarët.
Kryetari i Partisë Demokratike u kërkoi drejtuesve dhe anëtarëve të shkojnë derë më derë, për të identifikuar hallet konkrete të njerëzve, çdokënd që është në varfëri, i papunë dhe i goditur nga fatkeqesitë e natyrës dhe abuzimet e qeverisë.
