Kreu i PD-së Lulzim Basha ka folur shkurtimisht për gazetarët pas takimit që pati me ambasadorin e BE-së në vendin tonë, Luigi Soreca.
Basha u shpreh se me ambasadorin e BE diskutuam gjerësisht për Reformën Zgjedhore.
“Gjithë beteja jonë është që të mbahen sa më shpejt zgjedhjet e parakohshme, kjo është rruga e vetme që shqiptarët të zgjedhin qeverisjen e tyre. Kriza ekonomike është produkt i krizës politike, KÇK-ja sot në qeveri është kryeministri dhe qeveria. Nuk ka ndryshuar asgjë në prioritetet tona, zgjedhjet parlamentare dhe ato lokale duhet të mbahen në të njëjtën ditë. Nuk është lista e dëshirës së Lulzim Bashës dhe Partisë Demokratike, kjo mund të bëhet vetëm përmes zgjedhjeve të lira. I gjithë fokusi ynë është që procesi i Integrimit të vendit, të kalojë paralelisht me reforma në vendin tonë, dhe me zgjedhje të lira për qytetarët”, u shpreh Basha.
