Në fjalën e tij për replikë në seancën e sotme plenare në Kuvend, deputeti Gazment Bardhi i është përgjigjur ministres socialiste Elisa Spiropali, pasi kjo i përmendi emrin teksa bënte interpelancën që kryeministri Edi Rama i kishte deleguar.
Spiropali i tha se ishte në garë të fortë më Tabakun, ndërsa Bardhi iu përgjigj se në garë nuk është ai por ajo me Olta Xhaçkën.
“Zonja kryetare, ministrja Spiropali më përmendi më shumë se 10 herë duke m’u drejtuar në mënyrë të pahijshme. Kam të drejtën e replikës dhe po e shfrytëzoj. Pusho ti zonjë, do flas unë tani se e kam unë radhën. Ta them unë kush është në garë. Tek të dëgjoja m’u kujtua fjalimi yt kur kërkohej komisioni hetimor për inceneratorët. Shpallët shenjtorë pronarët e inceneratorëve dhe thatë se do pastronin Shqipërinë, ata sot janë në kërkim. Ky kuvend kishte “madam 5 milionë euro”, tani ka “madam 5.5 milionë euro”. Në garë nuk jam unë, por ti me Olta Xhaçkën”, tha Bardhi.
