Pas rrëzimit të kërkesës së Partisë Demokratike nga ana e Gjykatës Kushtetuese, për ngritjen e një komisioni hetimor për çështjen “Beçhetti”, ka reaguar Gazment Bardhi. Ai thotë se banaliteti me të cilën është penguar hetimin e 110 milionë eurove dëm që i janë shkaktuar shtetit, provon edhe njëherë se kjo çështje ka nevojë urgjente që të hetohet.
“Banaliteti me të cilin Gjykata Kushtetuese ka penguar ngritjen e Komisionit Hetimor për dëmin prej më shumë se 110 milion euro ndaj shtetit shqiptar, shkaktuar nga Edi Rama dhe qeveria e tij, provon edhe njëherë se kjo çështje ka nevojë urgjente që të hetohet! Asnjë arsye banale dhe jo kushtetuese nuk duhet të pengojë opozitën ti shkojë deri në fund kësaj çështje. Keqardhje që GJK e reformuar po “reformon” vetveten në dëm të interesit publik, duke u bërë mburojë e korrupsionit dhe paligjshmërisë qeveritare” – thotë Bardhi.
Kujtojmë se ditën e sotme Gjykata Kushtetuese ka rrëzuar kërkesën e PD-së me arsyetimin se është konstatuar se nuk është arritur numri i kërkuar i votave për vendimmarrje.
