Sekretari i Përgjithshëm i PD Gazmend Bardhi i është përgjigjur kryeministrit Rama, duke thënë se kush vjedh votat e shqiptarëve, është i destinuar të largohet.
Me anë të një postimi në rrjetin social “Facebook”, Bardhi shkruan se
“Kush sulmon gazetën Bild, që i zbulon telefonatën për vjedhjen e zgjedhjeve dhe fshihet prapa fustanit të Blerina Gjylametit, do të ketë fatin e gangsterëve me të cilët qeveris! ? Kush ka zgjedhur të vjedhë e të blejë vota me krimin e organizuar, është i destinuar të ikë! ✌”, shkruan Bardhi.
Deklarata e Sekretarit të PD vjen pasi Rama më herët me anë të një postimi, kishte deklaruar se kush ka zgjedhur e të dëmtojë, është i dënuar të turpërohet dhe te dështojë.
