Ëndrra Europë ka marrë fund ende pa filluar për Tiranën. Pas humbjes 2-0 në Izrael ndaj Maccabi Tel Aviv, bardheblutë kanë zhgënjyer edhe në Selman Stermasi duke humbur me rezultatin 0-3.
Një rol të rëndësishëm në këtë rezultat katastrofik për bardheblutë ka luajtur edhe dalja me të kuqe e sulmuesit nga Uganda të Tiranës, Sentamu, në fundin e pjesë së parë.
Të gjendur me 1 lojtar më pak në 45 minutat e dyta, bardheblutë në drejtimin e brazilianit Ze Maria janë ndjerë të pafuqishëm që të ndalnin izraelitët e Maccabi Tel Aviv, që shënuan 3 herë në portën e mbrojtur nga Lika.
Pas kësaj humbje, e gjithë vëmendja e Tiranës është fokusuar tek ringjitja sa më parë në elitën e futbollit shqiptar.
