48 persona janë plagosur pas përplasjes së një treni në një stacion në qytetin spanjoll të Barcelonës, njoftojnë shërbimet e emergjencës. “Reuters” raporton se 5 nga 48 të plagosurit janë në gjendje të rëndë. Ndërkohë 18 prej tyre janë dërguar me helikopterë në spitale.
Incidenti ndodhi gjatë orëve të para të mëngjesit në stacionin “Francisa”, në qendër të qytetit. Imazhet në mediat sociale treguan një tren që kishte goditur barrierat e stacionit. Nga fotot e publikuara nga mediat spanjolle shihet se pjesa e përparme e trenit është dëmtuar.
