Barcelona ka arritur të fitojë me rezultatin bindës 3-0 në ndeshjen e zhvilluar në shtëpi përballë Atletik Bilbaos. Katalanasit nuk e vendosën për asnjë moment në dyshim suksesin në këtë takim duke siguruar 3 pikë autokritike pas hapit fals në javën e kaluar kur barazuan në transfertë 1-1 me Betisin.
Pako Alkaser arriti të shënojë golin e tij të parë me fanellën e Barcelonës pas një peiudhe të gjatë pritjeje që pas transferimit të tij në “Kamp Nou” në merkaton e verës. Ai zhbllokoi rezultatin në minutën e 18. Lionel Mesi dyfishoi shifrat në minutën e 40 duke shënuar me një goditje dënimi fantastike, ndërsa Aleiks Vidal vulosi fitoren me golin e realizuar në minutën e 67.
Me këtë fitore, Barcelona ngjitet në kuotën e 45 pikëve duke mbajtur vendin e 2-të në klasifikim, 1 pikë pas Realit të Madridit që ka zhvilluar 2 ndeshje më pak.
/panoramasport/
