Barcelona ka fituar me rezultatin 3-0 ndeshjen e luajtur kundër Las Palmas, e vlefshme për javën e shtatë te kampionatit spanjoll.
Takimi është pezulluar fillimisht për shkak të rrëmujave të krijuara me rastin e referendumit për pavarësinë e Katalunjës, por më pas është zhvilluar në orën e parashikuar me dyer të mbyllura.
Goli që ka zhbllokuar sfidën ka ardhur në pjesën e dytë dhe është realizuar nga mesfushori Busquets. Në minutën e 71-të, vendasit kanë shënuar golin e dytë me Lionel Messi, i cili ka fiksuar shifrat në 3-0 në minutën e 77-të.
Ndërkohë, situata jashtë stadiumit vazhdon te jetë kaotike, ku 337 njerëz kanë mbetur të plagosur nga përleshjet me policinë, që ka ndërhyrë për të mos i lejuar njerëzit të votojnë.
