Banorët e Zallgjoçajt në rrethin e Matit vijojnë ende rezistencën për mos ndërtimin e HEC-eve në këtë zonë.
Me hunj në duar, fëmijë, gra dhe të moshuar kanë zgjedhur të përzënë ditën e sotme punonjësit e fimës private që do të ndërtojë HEC-in.
Firma kërkon që të vijojë hapjen e tunelit për të futur ujin e lumenjve në tuba, dhe për ta grumbulluar vetëm në një.
Banorët kanë penguar disa prej makinave të firmës private, ndërsa në zonë nuk ka pasur asnjë punonjës policie, çka mund të bëjë të pashmangshme dhe përplasjen fizike.
Banorët thonë se zona është Park Kombëtar, dhe ata nuk do të lejojnë askënd që ta prek.
“Protesta do të jetë pa afat, ashtu siç e kemi paralajmëruar, askush të mos guxojë që ta prekë këtë zonë, pasi është park kombëtar. Ne do ta mbrojmë me kokat tona, me çdo çmim dhe me çdo kusht. Do të kërkojmë dhe dorëheqjen e ministrit të mjedisit”, shprehen banorët.
