Banorët e lagjeve “5 Maji” dhe të Paskuqanit kanë dalë këtë pasdite sërish në protestë për të mbrojtur banesat e tyre që bashkia kërkon t’ua prish. Në një prononcim për mediat ata paralajmërojnë se më datë 22 shkurt, ditë kur edhe rinis aksioni për shembjen e banesave të tyre, do të mblidhen të gjithë bashkë për të kundërshtuar operacionin.
Ata shprehen se do të shtrihen në rrugë më datë 22 dhe nuk do të lejojnë që Inspektorati i Mbrojtjes së Territorit tu shembë banesat. “Ne jemi popull, ne jemi të pashkollë, shteti prandaj është. Të kishte ardhur dhe të na kishte thënë mos ndërton. Tani vjen e na vë kazmën, na shemb shtëpinë që e kemi bërë me gjak. Do bëhemi rrafsh me tokën, s’e lirojmë, deri në vdekje”, tha një banor.
Protestat e banorëve kanë nisur prej disa muajsh, por më 19 janar të këtij viti, Inspektorati Kombëtar i Mbrojtjes së Territorit ndërmori aksionin për prishjen e banesave në zonën e 5 majit në Tiranë duke i hapur rrugën procesit të rindërtimit. Asnjë prej tyre nuk ka dalë kundër projekteve, por kërkojnë shpronësimin sipas rregullave
