Deputeti socialist Taulant Balla, publikoi sot në parlament disa fotografi të kryetarit të opozitës Lulzim Basha me një person të arrestuar pak ditë më parë për armëmbajtje pa leje.
Në përgjigje të opozitës e cila bllokoi seancën duke kërkuar dekriminalizimin e parlamentit, Balla publikoi foton e Bashës duke pozuar me një person të akuzuar për mbajtje të një arsenali me mina me telekomandë. I njejti persona është fotografuar edhe me deputeten Jozefina Topalli.
“Personi ne foto me Lulzim Bashen dhe Jozefina Topallin eshte Flamur Bega. Tre dite me pare pas një hetimi 6 mujor tre persona rane në pranga gjatë operacionit të koduar “Porosia”, pasi iu gjetën arsenal armësh dhe lëndë shpërthyese në automjetin ku ata udhëtonin. Në pranga është vënë Flamur Bega, Hilmi Isufaj dhe Shkëlzen Metalla dhe janë sekuestruar 6 mina me celularë, 2 pistoleta, 1 snajper, si dhe material të tjera hetimore,” tha Balla.
