Kreu i grupit parlamentar të Partisë Socialiste, Taulant Balla ka ironizuar kryetarin e Partisë Demokratike Lulzim Basha, lidhur me ditën e Pavarësisë dhe atë të Çlirimit.
Me anë të një postimi në facebook, Balla shkruan se Basha vazhdoi sot, duke ngatërruar Ditën e Çlirimit dhe shkuar tek varrezat e dëshmorëve të Luftës Nacionalçlirimtare në Tiranë.
“Vazhdoi sot, duke ngatërruar Ditën e Çlirimit dhe shkuar tek varrezat e dëshmorëve të Luftës Nacionalçlirimtare në Tiranë, kur duhej të shkonte tek varri i Ismail Qemalit në Vlorë. Mbahuni miq demokratë, se ngatërresat nuk kanë mbaruar! Dhe sinqerisht, Gëzuar 105 vjetorin e Pavarësisë! Gëzuar 28 dhe 29 Nëntorin!”, shkruan Balla.
