Doriani është djali i Pëllumb Maletaj, infermier në Spital që para pak ditësh vdiq nga COVID-19.
Ministrja, e cila është “zemërthyer” po ia ngacmove sistemin nuk ka përtuar t’ia fshijë komentin këtij djali, i cili nxjerr zbuluar propagandën rilindase.
Përshëndetje zonja ministre,
Jam Dorian Maletaj, i biri i Pëllumb Maletaj, infermier që ka kontribuar 35 vite në mjekësi dhe që vdiq nga COVID-19.
Turp t’ju vijë që ma fshitë komentin dhe më bëtë spam, pasi as nuk ofendova dhe as mallkova njeri, por tregova realitetin e trishtë që ka përfshirë të gjithë sistemin shëndetësor në Republikën e Shqipërisë.
Ju do e fshini prapë këtë koment, se kështu jeni mësuar që t’u hidhni hi syve njerëzve me gënjeshtra dhe mashtrime, që vetëm njerëzit që nuk e kanë provuar dhimbjen që të shkakton kjo flamë ju besojnë.
Por, ta dini edhe nje herë Zoti është i madh dhe i vlerëson gjërat më mirë, ju vazhdoni të fshini komente dhe nxirrni videon, por prapë më adresa të tjera do komentoj.
Sigurisht që edhe ky koment u fshi nga stafi i bodrumit të rilindur të ministres së Shëndetësisë, por më poshtë është bërë i mundur publikimi i tij.
