Një 18-vjeçare greke është vrarë nga babi i saj me thikë në fund të muajit gusht.
Ngjarja e rëndë ka ndodhur në lagjen “Petroupoli” në Athinë, ndërsa sipas mediave greke shkak për këtë është bërë i dashuri shqiptar i vajzës.
I ati i Irinit nuk ka pranuar që e bija të jetë e lidhur me një djalë nga Shqiperia, ndaj ka ndërmarrë veprimin e rëndë.
Ka qenë nëna e vajzës që para dy ditësh ka rrëfyer në mediat greke arsyen.
“Rrugë të mbarë engjëlli im, ike dhe le pas burrin që të do shumë….dhe do të të pres. Gruaja ime e bukur, shpirti im. Princesha ime që më ndriçon jetën. Vdiqe ti, vdiqa dhe unë, gjysma jote. Të dua dhe do të dua gjithmonë, rrugë të mbarë engjëlli im. Zoti të mori aty lart për t’u kujdesur”, kanë qenë fjalët e shqiptarit pas ndarjes nga jeta të së dashurës së tij.
