Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Avokatja e Popullit: Viti 2019 hapa pas, demokracia në vend është tkurrurr

Nga Klodiana 0

Avokati i popullit, Erinda Ballanca u shpreh se viti 2019 ka qenë vit jo i mirë.

Gjatë Konferencës Kombëtare për lirinë e shprehjes përballë të drejtave të njeriut, Ballanca tha se demokracia në vend është tkurrurr dhe se liria e medias është cenuar.

“Jemi në dhjetor dhe hedhim një vështrim më të mirë për atë që lamë pas gjatë vitit 2019. Ky vit nuk ka qenë një vit i mirë për Shqipërinë jo vetëm për fatkeqësinë e natyrës. Viti 2019 është vit i cili hapësira demokratike në vend është tkurrurr. Pavarësisht qëllimit tonë për të mbështetur aspiratën 30 vjeçare për demokraci më të zhvilluar dhe për të drejta njerëzore më të avancuara, fatkeqësisht gjatë vitit që lamë pas nuk arritëm të përparojmë. Kushdo që mendon se ndoshta jam duke e ekzagjeruar mund të pyesë veten, A ishte viti 2019 kur e drejta për të zgjedhur në mënyrë demokratike dhe për tu përfaqësuar  në mënyrë të denjë u konsolidua? A ishte viti 2019 një vit më i mirë për arsimin, shëndetësinë apo për drejtësi të pavarur apo edhe për të drejtën e fjalës së lirë? A mendojnë se banorët e unazës së re ky vit ishte një vit më i mirë për të drejtat e tyre? Unë mendoj se më së shumti, pikërisht mungesa ose debati që u ngrit për paketën antishpifje të gjithë mendojmë se ka ende vend për përmirësim të rëndësishëm. Përmbajtja shpesh shqetësuese dhe pa standarde profesionale u shndërrua në një justifikim për t’ia nënshtruar rregullimin  këtij kaosi institucioneve në varësi të qeverive. Cila duhet të jetë struktura që do të vendosë rregull në këtë botë kaotike, ky është një debat global që në kohët e sotme po preket jo vetëm nga institucionet e të drejtave të njeriut por edhe nga njerëz të cilët çojnë mendimin përpara në një mënyrë tjetër siç mund të jetë edhe vetë Papa”, tha Balanca.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej