Avokati i pilotit italian të rrëzuar më 15 shtator në Ishëm mohon dyshimet që bien mbi klientin e tij për lidhje me trafikun e drogës.
Ora news raporton se avokati Aleksandër Ndrejaj thotë se Guido Andrea Guidi ka bërë uljen në Ishëm pasi avioni ka pësuar defekt dhe se në telefonin e tij janë gjetur vetëm numra të familjarëve dhe të afërmve të tij dhe “s’ka lidhje as me trafikantë as politikanë “
I pyetur nëse ka dy dosje në ngarkim të klientit të tij një për shkelje të hapësirës ajrore dhe një për trafik të lëndëve narkotike avokati u përgjigj: Prokuroria ka ngritur një alibi në momentet e para dhe ajo është pjesë e fashikullit hetimor. Nuk ka dy akuza.
69 vjeçari italian është në dispozicion të hetimit për shkelje të hapësirës ajrore.
“Shtetasi është ulur për një emergjencë që ka pësuar në avion, kaq. Nuk ka bërë ulje për pista por në momentin kur ka pësuar defektin ka gjetur vendin për tu ulur” u shpreh avokati.
