Një nga avokatët e ish-presidentit kosovar Hashim Thaçi, në konferencën statusore që po mbahet në Hagë për rastin kundër ish-krerëve të UÇK-së, është shprehur se propozimi për nisjen e gjykimit në qershor është absurd.
Për shkak të situatës së shkaktuar nga koronavirusi, ai tha se gjyqi duhet të nisë një vit më pas, e jo në vitin që po vjen.
“Prokuroria ka kryer hetime të gjata për mendimin tim mbi pesë vjet dhe ka pasur në dispozicion materiale që janë vënë edhe prej hetimeve tjera që janë kryer shumë vite mëparë. Prokuroria ka kryer hetime para situatës së koronavirusit, mendoj se 18 muaj do të na duhen përpara se të mendojmë për fillimin e një gjykimi. Propozimi që gjykimi të nis në qershor është absurd, kjo është një çështje e komplikuar, ndoshta mund të fillojë një vit më pas”, tha Hooper.
