Gentian Rumano, avokati i ish-drejtorit të policisë së Vlorës Jaeld Çela, i cili u vetëdorëzua një muaj më parë në polici ka deklaruar se nuk ka prova që ky i fundit të jetë i përfshirë në narkotikë.
Sipas avokatit Rumano, gjykata bazohet në komunikimet me telefon, por ato janë thjesht indicie.
Mes të tjerash avokati tha se gjatë kohës kur Çela ishte drejtor policie, ai ushtoi me sukses operacionet aktikanabis.
“Po t’i referohemi periudhës që bëhet fjalë lënda narkotike, në atë periudhë nuk ka qenë në krye të Policisë. Gjykata i ka vendosur akuza dhe nuk mund të akuzohet një prokuror për këtë fenomen për lëndë narkotike.
Vetëm i akuzuar për episodin e ndodhur në maj të 2015 dhe të tjera janë indicie të vitit 2016. Për cfarë të kauzohet për këtë vit? Për punën e bërë, për evidentimin e parcelave, të cilat janë shkatërruar. Nuk mund të flasim për asnjë moment për të gjitha akuzat pasi provat janë të pabazuara. Kjo vërtetohet edhe nga informacionet që ka dhënë prokuroria e shtetit dhe të gjitha informacionet janë të artikuluara nga policia e shtetit dhe kanë dalë nga organet drejtuese vendore”, shprehet avokati.
