Banorët dëshmojnë se e kanë parë e fotografuar avionin me drogë që u kap nga policia italiane dy ditë më parë
Banorë të fshatit Akërni kanë dëshmuar se kanë vënë në dispozicion të medias fotografi të avionit me drogë i cili sipas banorëve të këtij fshati ka fluturuar të dielën që shkoi mbi fshatin e tyre. Ora News ka pyetur banorët e këtij fshati për ngjarjen të cilët kanë dëshmuar se e kanë parë e fotografuar avionin e dorës që u kap në Itali të dielën që shkoi.
Policia shqiptare ka konfirmuar se kishte marrë informacion ne lidhje me lëvizjen në hapësirën tone ajrore, te një avioni te vogël. POlicia informoi se në bashkëpunim me me homologët Italianë, është punuar intensivisht, për verifikimin e këtij informacioni, duke zhvilluar veprime të koordinuara në Vlorë dhe në një pjesë të territorit Italian.
“Policia e Shtetit ka shoqëruar shtetasit N.M., A.M., K.M., si të dyshuar në lidhje me këtë veprimtari, si edhe automjetet një fuoristradë dhe një furgon në pronësi të këtyre shtetasve, të cilat po këqyren nga specialistët e Policisë. Policia e Shtetit po bashkëpunon edhe me Prokurorinë për Krime të Rënda Tiranë, dhe ka bërë regjistrimin e Procedimit Penal per vepren penale “Trafikim të lëndëve narkotike” të kryer në bashkëpunim, parashikuar nga neni 283/a/2 i Kodit Penal. Veprimtaria hetimore është në vijim edhe nga homologët e policisë italiane për zbulimin e autorëve të implikuar në këtë veprimtari kriminale”, theksohet në njoftimine policisë së Shtetit.
