Zbardhen detaje të reja nga plagosja me armë zjarri në Tiranë. Raportohet se autorët iu kanë dalë para me makinë dy të rinjve Enis Sanxhaku dhe Noa Mato dhe i kanë qëlluar me armë.
Ngjarja ka ndodhur te “Mbikalimi i Qafë-Kasharit”, pas mesnatës, ndërsa burime nga spitali bëjnë me dije se të plagosurit Sanxhaku, 20 vjeç, dhe Mato, 19 vjeç, ndodhen jashtë rrezikut për jetën.
Policia ka ngritur pika të shumta kontrolli në të gjitha hyrje-daljet e Tiranës dhe vijon kontrollin në zonë për identifikimin dhe kapjen e autorëve të ngjarjes.
