Deputeti i Partisë Demokratike, Edi Paloka, ka reaguar pas audios skandaloze që po qarkullon me shpejtësi në rrjet, ku kryetari i Bashkisë së Tiranës, Erion Veliaj kërcënon hapur anëtarët e shoqatës së futbollit Tirana, duke i thënë se është ai kontrollon drejtësinë dhe Prokurorinë Speciale, SPAK. Në lidhje me këtë çështje ka reaguar Paloka, i cili ka thënë se vetë ai do bënte çdo që t’ua nxijë jetën Veliajt e të tjerëve me Prokurori e SPAK. Sakaq, ai shton se Veliaj duhej të ishte arrestuar më parë, por duke qenë se SPAK i shërben pushtetit kjo gjë nuk mund të ndodh.
“Pas kësaj, nëse do të kishte drejtësi në këtë vend, velina e bashkisë duhej arrestuar në vend! Po për fat të keq, siç e pohon velina, drejtësia me gjithë SPAK, është vënë në shërbim të tij dhe pushtetit!”, shkruan Edi Paloka në faqen e tij në Facebook.
Në video Veliaj ka thënë se luftën e tij nuk e ndal askush, pasi ai ka pushtet në çdo gjë.
