Nga atentati me tritol në Tiranë kanë mbetur të plagosur edhe dy kalimtarë.
Ngjarja e rëndë ndodhi në mes të ditës në një zonë tepër të populluar të Tiranës, te ura e Selitës, pranë ish parkut të autobusëve.
Mësohet se nga shpërthimi i fortë i eksplozivit me telekomandë në makinën e Prend Gjinit, kanë mbetur të plagosur edhe dy kalimtarë të rastësishëm.
Një prej kalimtarëve është një shtetas italian, ndërsa tjetri është një djalë i mitur. Të dy janë jashtë rrezikut për jetën.
Ndërsa shënjestra e atentatit, Prend Gjini është duke iu nënshtruar operacionit te spitali i Traumës në Tiranë, dhe ndodhet në gjendje të kritike.
Forca shpërthyese ka shkatërruar edhe dy makina të tjera që ndodheshin mbi urë në momentin e atentatit.
