33-vjeçari Genci Caci, që mbeti i plagosur rëndë mbrëmjen e djeshme në Durrës prej një atentati mafioz, ka kaluar në vdekje klinike. Këto janë të rejat e fundit nga krimi që tronditi mbrëmjen e djeshme Durrësin.
Nga atentati mbeti i vdekur Edison Harizaj, i cili ndodhet në morg. Ai njihej si miku i ngushtë i Emiljano Shullazit, kreut të një grupi të strukturuar kriminale që gjendet në burg.
Harizaj ishte në një makinë Audi me mikun e tij Genci Caci në lagjen 13 të qytetit të Durrësi. Atyre u është bërë pritë dhe janë qëlluar me breshëri kallashnikovi në një zonë të pandriçuar.
Harizaj ishte i dyshuar si personi që kishte vrarë Albano Xhaferin në Vlorë, me çekiç brenda një makine dhe e kishte zhdukur trupin, ndaj vrasja e tij ka si motiv kryesor hakmarrjen mdisi bandave kriminale.
Pas atentatit, autorët që lanë Harizajn të vdekur në vend dhe Cacin të lënduar rëndë, kanë djegur makinën e tyre në Shën Vlash të Durrësit, makinë që ka rezultuar e vjedhur.
