Policia e Lezhës është ngritur në këmbë ndërsa është vënë pas autorëve të atentatit të mbrëmshëm ndaj një makine luksoze ku udhëtonin dy të rinj. Ngjarja ndodhi rreth orës 20:05, në Ishull Lezhë. Nga të dhënat e policisë, persona ende të paidentifikuar, qëlluan me armë zjarri në drejtim të një mjeti në lëvizje, brenda së cilit, udhëtonin shtetasit Blerim Preçi dhe Klisman Preçi.
Mësohet se gjatë natës policia ka ushtruar kontrolle për të kapur atentatorët që sulmuan me armë makinën e 28-vjeçarit Blerim Preçi.
Gjithashtu mësohet se ka pasur disa persona që janë shoqëruar për ngjarjen. Deri më tani nuk dihen motivet se për çfarë mund të ketë ndodhur ngjarja, ndërsa policia po heton.
