Zbardhen detaje të reja për vrasjen e Anton Kelit mbrëmjen e djeshme në Rrëshen. 51-vjeçari u qëllua me breshëri teksa doli nga automjeti i tij.
Ngjarja ndodhi mbrëmë rreth orës 17:40, ku dyshohet se autorët mund të kenë marrë më parë informacion dhe e prisnin viktimën në hyrje të Rrëshenit. Sipas të dhënave nga hetimet, ai ndaloi makinen e tij 200 metra larg marketit. Më pas doli nga mjeti dhe drejt tij u qëllua me armë. 51-vjeçari edhe pse me plagë në trup eci për të kërkuar ndihmë drejt marketit dhe aty ra në tokë.
Grupi hetimor është përqendruar te hakmarrja, por edhe ndonjë konflikt të mundshëm që mund të ketë pasur së fundmi 51-vjeçari. Kujtojmë se viktima është djali hallës së Armando dhe Preng Gjinit. Armando u ekzekutua një vit më parë në Rrëshen, ndërsa i vëllai u plagos rëndë nga lënda plasëse që ju vu në makinë 3 muaj më parë në zonën e “Vasil Shantos” në Tiranë.
