Policia e Elbasanit ka dhënë detaje në lidhje me të shtënat me armë sot paradites në Elbasan, nga të cilat mbeti i plagosur Ardjan Çapja.
Sipas policisë, ai u paraqit në orën 09:37 në spitalin e qytetit për të marrë ndihmë mjekësore, ku dyshohet se Çapja është plagosur me armë zjarri.
Familjarët deklarojnë se ai ka marrë lëndime, pasi u rrëzua në shtëpi.
Njoftimi i plotë
Elbasan/Informacion paraprak
Më datë 08.06.2020, rreth orës 09.37, në urgjencën e spitalit Elbasan, është paraqitur per ndihmë mjeksore shtetasi A.Ç.,rreth 55 vjeç, banues ne lagjen “Emin Matraxhiu”, Elbasan, dyshohet i plagosur me armë zjarri. Policia po punon për sqarimin e rrethanave të ngjarjes.
