Opozita e bashkuar ka paralajmëruar se sot në orën 18:30 do të zhvillohet protesta e pestë kombëtare kundër qeverisë Rama.
Kujtojmë se protesta e së shtunës, e cila u shpërnda në tre fronte u shoqërua më dhunë, gaz lotsjellës, përplasje fizike, por nuk munguan as arrestimet e qytetarëve, të cilët akuzohen për dhunë ndaj forcave policore dhe prishje të rendit dhe sigurisë publike.
Kreu opozitar, Lulzim Basha theksoi ditën e djeshme para drejtorisë së Policisë së Tiranës se qytetarët shqiptarë do t’i përgjigjen në mënyrë porporcionale dhunës së ushtruar nga Policia.
“Asgjë nuk i ndal shqiptarët që luftojnë për liri, për standardet europiane. Shpresa është ndezur! Pushteti i krimit nuk e fik dot më, sot jemi më të fortë se kurrë. Asnjë hap pas kundër krimit kundër dhunës për Shqipërinë si gjithë europa.”-shkruhet në spotin e publikuar, duke i drejtuar në këtë mënyrë një mesazh qytetarëve të jenë të pranishëm.
https://www.facebook.com/lulzimbasha.al/videos/743271122735502/
