Sallë me 8 hyrje dhe 460 vende për publikun. Artistët kanë paraqitur sot variantin e tyre për Teatrin Kombëtar, si alternativë ndaj projektit të paraqitur nga qeveria për një gjë të tillë.
Grupi i arkitektëve që kanë prezantuar projektin sot janë Vladimir Bregu , Drilon Zaimi dhe Ejona Belegu. Projekti parashikon rikonstruksionin e teatrit aktual, i cili kap vlerën e rreth 10 milionë eurove.
Pedagogu Përparim Kabo, i cili e mbëhstet kauzën e artistëve, e kundërshtoi me forcë synimin e qeverisë për ta shembur godinën ekzistuese.
“Kujtesa e tyre nuk kalon nga kjo godinë, ata nuk e kanë parë këtu Mbretin Diell, ata s’e mbajnë mend Hamletin, as kthimin e Damës Plakë. 140 përfaqësuesit e popullit shqiptar që keni marrë votën tonë, nuk e dini ç’do të thotë që të shembet godina e tetatrit. 27 vjet parlament pluralist, a dini të jetë zhvilluar një seancë e vetme parlamentare për kulturën, për teatrin, për cirkun, për edukimin e fëmijëve me art. Ndaj kemi fëmijë të ngujuar, njaj kemi krime, ndaj kemi mitmarrje dhe korrupsion. Nëse shembet, nga ministrja e kulturës dhe kryeministri, parlamenti dhe shoqëria nuk mund të heshtin, media s’mund të bëjë lojëra të dyfishta. OJF-të që marrin paratë e donatorëve, të mos fshihen vrimave, por të vijnë këtu të mbrojnë teatrin e kombit. As teatri i kukullave të mos shembet, sepse është godina e parlamentit të parë shqiptar. Në një vend ku shembet godina e parlamentit të parë kthehet mbretëria”, tha Kabo, duke nënkuptuar faktin se parlamentarizmi u krijua pikërisht për të kufizuar pushtetin e monarkive.
http://shqiptarja.com/lajm/fotot-alternativa-e-artisteve-ja-projekti-10-mln-i-teatrit-kombetar?r=kh1
