Kreu i ALUIZNI-t, Artan Lame, i është nënshtruar një operacioni të vështirë mbrëmjen e djeshme në Spitalin Amerikan në Tiranë. Ai u shtrua me urgjencë në gjendje të rënduar shëndetësore, ku ka rezultuar një çarje e aortës, gjë që në këto raste është gati fatale.
Burime nga spitali bëjnë me dije se Lame kishte me kriza të forta në zemër dhe se gjendja shëndetësore e tij ka qenë e rënduar.
Lame ju nënshtrua një ndërhyrje kirurgjikale, e cila zgjati plot 8 orë dhe për fat të mirë ka shkuar për së mbari.
Gjatë këtyre çasteve shumë të vështira me familjarët ka qëndruar kryeministri Edi Rama, por edhe shumë përfaqësues të tjerë të qeverisë si Mimi Kodheli, Niko Peleshi, Blendi Klosi, Saimir Tahiri dhe deputetët Paulin Sterkaj, Eduard Shalsi, Taullant Balla e plot të tjerë.
