Ditën e djeshme anti-droga gjeti në portin e Durrësit një sasi prej 7.7 kg kokainë, në kontejnerët që vinin për llogari të kompanisë “Alba Exotic Fruit” nga Amerika Latine.
Kjo ishte hera e katërt që anti-droga gjen kokainë nga Amerika Latine në Portin e Durrësit dhe kjo për gazetarin Artan Hoxha tregon qartë se trafikantët kanë mundur ta çajnë sistemin e sigurisë dhe se lajme të tilla do të dëgjojmë më shpesh.
Hoxha u shprehet se policia po kap gjithnjë e më shpesh sasi kokaine duke realizuar operacione me blerje të stimuluara dhe kjo tregon se lënda narkotike gjendet lirisht në treg.
Sipas gazetarit, situata në Durrës ka dalë jashtë kontrollit pasi mund të porosisësh lehtë edhe mina me telekomdë apo armë.
“Skuadrat operacionale dhe antidroga kanë bërë disa operacione. Kjo do të thotë se ka, gjendet lirisht. Trafikantët mund ta çajnë sistemin e sigurisë. Kanë kapur kokainë Philipp Plein dhe mina me telekomandë dhe armë. Në Durrës, se aty jepet porosia. Pra, mjafton të kesh lekë se gjen, Philipp Plein, brandin e tyre. Fakti që po kapet kaq shumë tregon që do të jetë një betejë e gjatë. Duhen fonde për të mbështetur SPAK e prokurorinë.”
