Deputeti socialist: Taksat e larta janë shqetësim
Zhvillimet në turizëm, barra e taksave, koncesionet e plaga e emigracionit kanë qenë disa nga cështjet për të cilat foli deputeti socialist Artan Gaçi në emisionin “Ndiqe programin” me gazetarin Enkel Demi. Sipas Gaçit është e vërtetë që qeveria e ka prioritet sektorin e turizmit, por nevoja është për vëmendje më të madhe. “Sot është rasti që të shfrytëzojmë atë që na ka dhënë natyra në fushën e turizmit, po se kapëm sot nuk e kapim kurrë më. Turistët rusë kanë ikur nga Egjipti e Turqia. Polonia, Çekia e shumë vende kërkojnë për turizëm, e ne duhet ta shfrytëzojmë këtë me prioritet, strategji e korrektësi”, është shprehur deputeti socialist. Për Artan Gaçin zgjidhja do të ishte me krijimin e një ministrie për turizmin, pasi ai është sektori i vetëm nga mund të hyjnë paratë, e njëkohësisht është sektori që nxit gjithë sektorët e tjerë si bujqësi, transport, kulturë etj. Duke folur për taksat Gaçi tha se taksat e larta janë shqetësim, por se qeveria nuk kishte sit ë vepronte ndryshe për të mënjanuar katastrofën financiare.
