Arta Dade, një nga ikonat e Partisë Socialiste gjatë këtyre 30 viteve shpreh keqardhjen e saj se si kjo forcë politike ka pranuar të ulë zverkun nën këmbët e Edi Ramës e të Rilindjes.
Në një përgjigje mbi komentet sot në një shkëmbim opinionesh në Këshillin e Ambasadorëve, Arta Dade shkruan se PS-së e Rilindjes ka pranuar eliminimin e garës në parti duke heshtur vetëm për interesat e tyre meskine.
“Ndjehem mirë personalisht që i kam kërkuar të largohet. Keqardhje për një forcë politike që ka pranuar të ulë zverkun nën këmbët e Edi Ramës e të Rilindjes që sollën në PS vese e praktika, nga të cilat ne bënim kujdes të mbroheshim ndaj kundërshtarit. Ata që janë konformuar me të në një shkallë më të vogël kanë ngritur nepotizmin në sistem, kanë pranuar eliminimin e garës në parti, kanë heshtur për interesat e tyre meskine. Socialistët e sakrificës nuk kanë lidhje me asgjë që trupëzohet tek Edi Rama”- shkruan Dade.
