Qeveria e Kosovës ka njoftuar mëngjesin e sotëm që është arritur pajtimi për rrëzimin e murit në Mitrovicë.
Sipas një komunikate për shtyp Ministri i Mjedisit dhe Planifikimit Hapësinor, Ferat Shala dhe kryetari i Mitrovicës së Veriut, Goran Rakiç nën lehtësimin e zyrës së Bashkimit Europian, si dhe të ambasadës së Shteteve të Bashkuara janë pajtuar për zgjidhjen e çështjes për murin e Mitrovicës Veriore.
Zgjidhja e kësaj çështjeje pritet të ulë tensionet në Veriun e Kosovës, të ndihmojë lirinë e lëvizjes dhe të krijojë një ambient të favorshëm për të gjithë qytetarët në veri dhe në jug të Mitrovicës.
Më tej në komunikatë thuhet: “…Ne jemi të vetëdijshëm që çështja ka shkaktuar paqartësi në periudhën paraprake, por jemi kënaqur që të gjithë ne kemi pasur një qasje konstruktive në mënyrë që të përmbyllim këtë çështje në mënyrë të qëndrueshme.”
