Një shtetas shqiptar ka rënë në prangat e policisë pasi gjatë kontrollit në makinë iu gjet 10 kg kokainë me një vlerë prej 1 milionë eurosh.
Droga iu gjet gjatë një kontrolli në bagazhet e makinës “VW Polo”, në të cilin nuk kishte asgjë. Ai u kishte thënë policëve se po kthehej nga Gjermania në Shqipëri dhe këtu lindën dyshimet e para të karabinierëve të Veronas.
Gjatë kontrollit droga u gjet e fshehur në sediljen e shoferit dhe të pasagjerit dhe ishte e ndarë në 10 pako nga 1 kilogramë secila dhe e mbështjellë me natriban. Pas arrestimit të të riut shqiptar, policia italiane ka nisur hetimet për të zbuluar organizatën për të cilën punonte ai.
