Punonjësi i Doganës akuzohet se i mori një shtetasi 100 euro pa kryer procedurat doganore
Policia Gjirokastër arrestoi sot një doganier për veprën penale të korrupsionit. Doganieri Mehmet Shehu, akuzohet se i ka marrë shtetasit me inicialet P.H. shumën prej 100 euro për të kaluar pa procedurë doganore një automjet të ngarkuar me agrume.
Shtetasi me inicialet P.H ka denoncuar doganierin duke rrëfyer në polici se i kishte kërkuar shumën 1000 eruo për të mos e kontrolluar, por nuk i kishte dhënë asnjë dokument doganor.
“Shtetasi P.H , 52 vjeç, ka bërë kallëzim se në parkimin e doganës doganier Mehmet Sheh i ka kërkuar dhe i ka marrë nëpërmjet presionit një shumë prej 100 Euro për të mos kryer procedurat doganore për 225 fidanë hardhi dhe 62 fidanë limon, portokall dhe mandarina, të cilat i kishte të ngarkuara në mjetin e tij. Doganieri pasi i ka marrë Eurot nuk i ka dhënë asnjë dokument doganor shtetasit P.H, por i ka thënë që je në rregull të kam rregjistruar.Nga verifikimet e kryera nga ana e Policisë rezultoi që doganieri nuk kishte kryer asnjë veprim duke përvetësuar shumën e Eurove. (mallrat nuk plotësonin vlerën për t’ju nënështruar procedurave doganore)”, sqaron policia Gjirokastër.
