Është arrestuar në Maqedoninë e Veriut Saimir Taullau, pasi kërkohej për trafik droge në Zvicër.
Saimir Taullau pak kohë më parë është paraqitur pranë OFL-ve dhe ka dorëzon deklarimin e tij. Sipas OFL-së, pasuria e tij ishte në “target-kontroll” pasi më parë ishte dënuar për prodhim dhe shitje narkotikësh dhe ishte pronar i disa bizneseve.
Taullau është një person me precedent të mëparshëm penalë. Atij i janë bërë 2 atentate brenda një viti, një në tetor të vitit 2017, dhe një tjetër në nëtor të 2018.
Familja Taullau njihet si rivale e fortë e Aldo Bares, pasi banda e këtij të fundit i ka vrarë vëllanë. Në vitin 2005, Baki Taullau u vra, ndërkohë që Saimiri, vëllai i tij, ishte dëshmitar në gjyq, ku ka dëshmuar dhe ka akuzuar si autorë të vrasjes, pjesëtarët e këtij grupi me urdhër të Bares. Konflikti mes dy familjave mendohet se ka nisur pas prishjes së pazareve të drogës, ndërsa familja Taullau ka akuzuar shpesh bandën e Aldo Bares për gjobvënie.
