Është arrestuar në Greqi 30 vjeçari shqiptar, i akuzuar si bashkëpunëtor në vrasjen e Artan Cukut.
Në pranga ka rënë Kristaq Leci, i cili ndërmjetësoi mes porositësit dhe vrasësit të Cukut. Leci mori porosi nga Bledar Jambelli dhe pagoi Mikel Shallarin.
Leci ka informuar Shallarin për lëvizjet e ish-komisarit Artan Cukut, ku ky i fundit u vra në hyrje të pallatit të tij në 8 prill 2017. Komisari Artan Cuku u vra nga Mikel Shallari, i cili rrëfeu të plotë të gjithë ngjarjen si dhe tregoi porositësit e vrasjes. Porositësi i vrasjes dhe që ka vëzhguar lëvizjen në terren ka qenë Bledar Jambelli, i arrestuar nga Artan Cuku në vitin 2012 në Vlorë si i dyshuar për vrasjen e biznesmenit Amarildo Delaj, për të cilën, Jambelli u lirua dy vite më pas nga gjykata dhe madje mori edhe mbi 500 mijë lekë dëmshpërblim nga shtetit për ditët e burgut.
Bledar Jambelli kishte kontaktuar fillimisht me Kristaq Leçin (që u arrestua sot në Greqi), kushëriri i Mikel Shallarit, i cili kishte marrë përsipër që të kryente vrasjen kundrejt një pagese prej 20 mijë eurosh. Pasi kishte marrë përsipër që të kryente vrasjen, Leçi kontaktoi me Mikel Shallarin për ta ndihmuar në kryerjen e vrasjes. Plani i vrasjes kishte nisur të thurej që në dhjetor të 2016-ës dhe në 26 mars të 2017 kishte nisur zbatimi, fillimisht me survejimin e Artan Cukut në terren.
Atentati ndaj Artan Cuktu do të zbatohej në datën 7 prill 2017 kur në terren kishte shkuar Kristaq Leçi, Mikel Shallari por edhe vetë Bledar Jambelli, i cili survejonte nga distanca dy autorët dhe i shtynte ata që ta vrisnin, duke i komanduar me telefon e duke i dërguar mesazhe. Kristaq Leci dhe Bledar Jambelli 48 orë pas ngjarjes janë larguar në Greqi pa kaluar nëpërmjet sistemit TIMS.
Ndërkohë që pas arrestimit, drejtësia greke ka refuzuar të ekstradojë në Shqipëri Bledar Jambellin, njeriun kryesor që urdhëroi ekzekutimin e ish-drejtorit të Policisë Vlorë Artan Cuku.
Si e zbuluan prokurorët përfshirjen e Lecit në vrasjen e komisar Artan Cukut?
Dy muaj më parë vrasësi i komisar Artan Cukut, Mikel Shallari, i shpëtoi burgimit të përjetshëm pasi pranon krimi dhe statusin e bashkëpunëtorit të drejtësisë. Pikërisht në rrëfimet e tij përpara prokurorëve të Krimeve të Rënda ka dalë për herë të parë, edhe emri dhe roli në këtë krim të rëndë i të arrestuarit të sotëm në Greqi, Kristaq Leci
Nga rrëfimi i Shallarit doli në pah fakti se komisar Cuku ishte planifikuar të vritej mbrëmjen e 7 prillit por atë natë bashkëpuntore Kristaq Leci , kushëriri i Bledar Jambellit (porositësi i vrasjes) ishte tërhequr nga kryerja e këtij krimi. Shallari ka shpjeguar: “Cukun do ta vriste Leci, por atë natë ai se bëri pasi kishte shumë njerëz përreth pallatit. Pastaj e mora unë përsipër dhe per keto do paguhesha nga Bledar Jambelli 20 mijë euro”, ka deklaruar Shallarii përpara prokurorëve. Që në atë kohë Leci ishte shpaluur në kërkim ndërkombëtarë për tu arrestuar ditën e sotme nga policia greke.
