Berisha tha se ai ka kërcënuar kandidatin për Rektor në Universitetin e Tiranës Mynyr Koni për tu tërhequr nga gara
Policia e Tiranës arrestoi Emiljano Shullazin pas denoncimit nga kryeministri Sali Berisha se I arrestuari kishte kërcënuar kandidatin për Rektor në Universitetin e Tiranës Mynyr Koni për tu tërhequr nga gara.
Prokuroria e Krimeve të Rënda kishte kërkuar arrestimine Shullazit. Vendimi për arrestimine tij është marrë pas takimit mes prokurorit të Tiranës Petrit Fusha, Drejtorit të Përgjithshëm të policisë Haki Çako, Kryeprokurorit Adriatik Llalla dhe Drejtorit të olicisë Tiranë Ervin Hodaj.
Pas takimit të katër funksionarëve të lartë të shtetit, Prokuroria e Krimeve të Rënda lëshoi urdhër arresti për Emiliano Shullazin, urdhër i cili u ekzekutua nga Drejtoria e Policisë Tiranë, e cila mbante Shullazin të shoqëruar.
Përveç Emiliano Shullazit policia arrestoi edhe shtetasin Gilmano Dani, i cili njihet si krahu i djathtë i Shullazit. Për dy shtetasit e arrestuar rëndon akuza’ Pjesëmarrje në organizata kriminale’.
Më herët Berisha tha se Emiljano Shullazi ka kërcënuar me jetë akademikun Mynyr Koni të tërhiqet nga gara dhe Rektorin aktual, Dhori Kule, që të mos e mbështesë. Ish-kryeministri Berisha thotë se nuk ka komunikuar me asnjërin nga akademikët, por jep garanci për burimin e informacionit. “Kryebanditi Emiljano Shullazi i kërkon Profesor. Mynir Konit të tërhiqet nga gara ose do ti rrëmbehet djali dhe i thotë se po fole ke kokën. Dje Profesori i nderuar Mynir Koni ka paraqitur në mënyrë të papritur dorëheqjen. Banda e Emiljano Shullazit me tre makina të blinduara, sot në Shqipëri qarkullojnë me makina të blinduara vetëm Edvin Shullazi dhe Emil Shullazi.Kanë ndaluar në mes të sheshit “Nënë Tereza” me tre makina Rektorin aktual të Universitetit i cili e dorëzon detyrën, Profesorin e nderuar Dhori Kule dhe i kanë kërkuar në mënyrë kërcënuese ultimative që ti heqë çdo mbështetje Mynir Konit, nuk e di nëse i kanë kërkuar apo jo më shumë se kaq”, tha Berisha.
