Policia e Maliqit ka arrestuar një person pasi transportonte emigrantë të paligjshëm.
Në pranga ka rënë shtetasi A. B., 35 vjeç, banues në Tiranë. 35-vjeçari po transportonte 5 shtetas të huaj drejt vendeve të BE-së, kundrejt pagesës.
Sakaq, A.B, gjatë shoqërimit për në komisariat ka kundërshtuar edhe forcat e policisë.
Njoftimi policisë:
Specialistët për hetimin e krimit në Komisariatin e Policisë Maliq, bënë arrestimin në flagrancë të shtetasit A. B., 35 vjeç, banues në Tiranë.
Arrestimi i tij u bë pasi, në afërsi të fshatit Zboq, ky shtetas u kap duke transportuar me mjetin tip “Suzuki” pesë shtetas të huaj emigrantë të paligjshëm, të cilëve iu kishte premtuar kalimin drejt vendeve të BE-së, kundrejt shpërblimit. 35-vjeçari, ka kundërshtuar punonjësit e policisë të rendit publik gjatë ushtrimit të detyrës së tyre.
