Policia e Vlorës ka arrestuar edhe tre persona të tjerë për ështjen e tjetërsimit të pronës prej 220 ha truall në Karaburun. Të arrestuarit janë Blerina Dhrami, ish-nëpunëse e ZVRPP Vlorë, aktualisht avokate në qytetin e Vlorës, Rajmond Mezi, personi në emër të të cilit është rregjistruar prona dhe Donika Besimaj, me detyrë përgjegjëse e arshivës pranë Gjykatës së Rrethit Gjyqësor Vlorë.
Personat e mësipërm janë ndaluar si të dyshuar për kryerjen e veprave penale të “Falsifikimi I dokumentave” e kryer më shumë se një herë, në bashkëpunim, “Shpërdorim detyre”, “Pastrimi i produkteve të veprës penale ose veprimtarisë kriminale”, vepra penale të parashikuara nga nenet 186/2, 248, 287 të Kodit Penal.
