Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Arkivolët me rrota të Tiranës

Nga 27.al 0

Nga Emirjon Senja

Kjo është dita e dytë që funksionon transporti publik në Tiranë.

Autobusët janë plot me njerëz në çdo orë të ditës sikur të mos ishim në një pandemi që ka llahtarisur botën.

Një gjë duhet patur parasysh: Transporti urban nuk u hap, se u plotësuan kushtet, por prej interesave të forta financiare.

Kjo u bë e mundur përmes miratimit të një protokolli (pa)sigurie shumë herë më të zbutur krahasuar me të parin.

1-Sipas protokollit të ri, kompanitë duhet të dezinfektojnë autobusët “në mënyrë periodike” (protokolli e lë evazive këtë pjesë) dhe jo pas çdo udhëtimi siç ishte fillimisht. Kjo ul ndjeshëm koston e kompanive të transportit dhe rrit ndjeshëm po ashtu rrezikun për qytetarët.

2-Detyrimin për mbajtjen e maskës e kanë qytetarët. Edhe kjo, lehtëson punën për kompanitë e transportit dhe rrit sërish rrezikun për qytetarët e përgjegjshëm.

3-Gjobën nëse dikush kapet pa maskë e merr qytetari dhe jo kompania e transportit.

Dhe mbi të gjitha, autobusët nuk po operojnë duke shfryëtzuar 70% të kapacitetit, por 120 % të tij ku qytetarët po rrinë si sardelet brenda llamarinave të vdekjes.

Praktikisht nuk ka ndryshuar asgjë, përkundrazi aktualisht nuk lejohet ndezja e kondicionerëve.

Sipas projeksionit të një agjencie serioze amerikane ( https://covid19.healthdata.org/albania) , në 1 tetor do të kemi 1 300 të vdekur nga koronavirusi në Shqipëri.

Me sa duket studiuesit në fjalë kanë për t’i rishikuar shifrat me rritje pasi të mësojnë mbi këtë protokoll (pa) sigurie.

Tani, zgjidheni vetë nëse do futeni tek këta “arkivolë me rrota” apo jo.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej