Ardi Veliu është emri i propozuar nga Ministri i Brendshëm, Fatmir Xhafaj për të drejtuar Policinë e Shtetit.
Veliaj do të pasojë Haki Çakon në postin e Drejtorit të Përgjithshëm të Policisë së Shtetit, ndërsa deri sot ka mbajtur detyrën e Drejtorit të Policisë së Tiranës.
Haki Çako u lirua një muaj më parë me vendim të ministrit të Brendshëm, Fatmir Xhafaj. Pas lirimit të Çakos, në krye të policisë u komandua Rebani Jaupi i cili mbajti këtë detyrë për rreth një muaj, ndërsa tashmë do rikthehet në detyrën që mbante më parë atë të zv/drejtorit të Policisë së Shtetit.
Ardi Veliu mori pikët maksimale nga konkursi i organizuar nga Policia e Shtetit për marrjen e gradës “Drejtues Madhor” si dhe ka përmbushur të gjitha kriteret për të qenë ai Drejtor i Policisë.
