Marvi Mihali, 22-vjeçari i vrarë pas një sherri me thika pranë stadiumit “Selman Stermasi” në Tiranë ishte student i ish-minsitrit të Financave, Arben Malaj.
Tashmë rektor në një universitet privat, Malaj ka shprehur trishtimin për vdekjen e Marvit dhe i ka shprehur ngushëllime familjarëve.
“Të dashur kolegë, kemi marrë një lajm tronditës, dje është vrarë në mënyre tragjike studenti ynë i fakultetit të drejtësisë Marvi Mihali. Me shpirtin e vrarë nga ky lajm tronditës, stafi akademik dhe studentët e Luarasit ndodhemi sot pranë prindërve, miqve dhe kolegëve të Marvit. Zoti ju dhëntë forcë dhe kurajo prindërve të tij! U prehtë në paqe Marvi ynë i dashur…Arbeni”, shkruan ai në një postim në rrjetin social Facebook.
