Studiuesi Arben Llalla ka publikuar sot një tekst të shkurtër, ku pretendon se kreu i qeverisë dhe ministri i Jashtëm janë vënë në presion ndaj fqinjëve, teksa këta të fundit kanë ripërsëritur Marrëveshjen e një shekulli më parë në dëm të interesave të shqiptarisë në Ballkan.
Ja çfarë shkruan Arben Llalla:
Dje “Omonia” i kërkoi Ditmir Bushatit zyrtarizimin e gjuhës greke në Jugun e Shqipërisë. Këtë zyrtarizim do t’ia kërkojë sot në Greqi Nikos Kotzias gjatë darkës që do të hanë bashkë.
Nesër Ditmir Bushati ka takim me bullgarin dhe sllavo-maqedonasit, të cilët edhe këta të dy do t’i kërkojnë Ditmir Bushatit zyrtarizimin e bullgarishtes dhe sllavo-maqedonishtes.
Para dy ditësh (fotoja origjinale nga takimi ilustron këtë shkrim) janë takuar në Greqi kryeministrat e Greqisë, Serbisë, Bullgarisë dhe Rumanisë për marrëveshje afatgjate kundër Shqipërisë.
Është e njëjta marrëveshje e 100 vjetëve më parë. Por, Edi Rama fle gjumë dhe gjithë hallin e ka në izolimin e PDIU-së për t’i shkruar grekut pas fijes.
Ekzistojnë materiale që tregojnë biseda konfidenciale të Ramës me grekët për zhdukjen e PDIU-së dhe përkujdesjen e tij ndaj Dules. Lërini ato se çfarë thotë Rama, unë i kam lexuar sms-të greke… (Rama e di këtë).
