Prezantuesja shqiptare, Arbana Osmani është majft aktive përsa i përket përdorimit të rrjeteve sociale. Kohët e fundit ajo ka zbuluar se si e ka mësuar gjininë e foshnjës që është duke pritur.
Nëpërmjet një pyetësori të zhvilluar në rrjetin social “Instagram”, një prej pyetjeve ishte nëse “Do të ketë plasje tullumbaci si Sara”.
Moderatorja rrëfen se ka qënë me pushime kur zbuloi gjininë e fëmijës së tretë që është duke pritur.
“Nuk ishim dhe aq të organizuar. Kur e morëm vesh kemi qenë me pushime. Plus unë kisha shumë kuriozitet dhe emocione kështu që nuk kemi xhiruar gjë. E ngaqë kishim Diellin në gjumë as nuk bërtisnim dot. Kujtime dhe emocione të bukura për ne të tre gjithsesi.”, tha ajo.
Kujtojmë se prezantuesja përflitet se do të bëhet nënë e një vajze. Arbana zbuloi se ishte në pritje të ëmbël në natën finale të “Big Brother VIP”. Përsa i përket televizionit, ajo tha se nuk do të rikthehet në ekran nga vjeshta.
